壹食就醉 (已結業)

終於同一班朋友約齊人食飯啦...今次唔想再食d任食火鍋/放題，又限時又低質，的起心肝搵下d高質野，又有得坐下，同朋友仔傾下計咁。嚟到壹食就醉，入到去間餐廳已經覺得好中國風，主要以紅色裝修為主，有好幾台已經食緊。坐低個waiter好熱情咁招呼我地，又介紹人氣食品。我地叫左藥膳花雕醉雞同埋蕃茄野菌龍蝦花甲鍋兩個鍋底，真係一碟全隻雞加成隻龍蝦！特別推介特級安格斯牛頸脊，好juicy，我地又叫左鯇魚片同鯇魚腩，d海鮮都非常新鮮，全部都份量十足，食到你飽住叫停。另外叫左jar竹蓆茅根都非常足料，即刻覺得可以下下火，好飲又健康！