101手工涮涮鍋 (金朝陽中心二期 - Midtown)

营业中

休息中

昨天晚上朋友Mike生日，想咗好耐都唔知同佢食咩好！又唔想為咗個景去食西餐，無新意，最後俾我搵到呢間101 grill bar + hotpot, 純粹只係睇咗價錢同環境就決定訂枱，因為呢度有我要嘅大露台及靚景！我帶住蛋糕上到去先托侍應幫我先放好，值得一提的是呢度係免收切餅費👍🏻餐廳環境乾淨企理，由於朋友未到，我自己出咗大露台欣賞夜景，貼心的侍應已經建議我先叫一杯飲品先，又要講一講，呢度全部飲品有酒精或者無酒精全部任飲！🍺🥂🍸🍾🍹🍷☕️朋友一到，又要讚一下呢度嘅服務，貼心的侍應為我哋介紹餐牌，我兩先點第一輪的食物和飲品。呢度只需一個價錢大部分食物無限追加，全部飲品任飲，入座無限時，你可以食食下停一陣，嘆杯酒之後再食。坐咗接近四個鐘頭，侍應們的服務超有效率，永遠你開口前佢哋已經為你服務，問你仍然需要再叫食物或者飲品。食飽飽同Mike出咗露台嘆101自家製手工生啤，甜心的兩位侍應幫我捧住點咗蠟燭嘅蛋糕出來，一路向Mike講生日快樂，一路唱生日歌，最後還幫我倆合照😘❤️👍🏻最後我哋一路嘆住啤酒食生日蛋糕，為今晚嘅小小生日會劃上句號。