元朗合隆潮州粉麵 (益發大廈)

营业中

休息中

早兩個星期見佢新開張，見到西廚Ricky Cheung 嚟剪彩，今朝再經過就入嚟試下。入面裝修喺扮返七十年代啲屋邨小店格局，圓櫈木枱咁，不過坐得算闊落，冷氣夠勁，企理整潔。今日食左碗鮮牛肉墨魚頭河粉，$50蚊，高質，牛肉冇乜嗱過，仍然保留鮮牛肉嘅肉味同埋口感，都唔韌，啫係入料有返咁上下，墨魚頭爽彈，新鮮，湯底強勁胡椒味，據稱冇味精，整體感覺高質，唔係賣平嘢，係真係靠食物質數講野嘅小店。另外叫左杯金銀花茶，冰凍濃郁，10蚊杯，口感真材實料。呢間店睇黎會係呢區企得穩。