肉料理とワインCARVING (已結業)

同男朋友慶祝生日，朋友推介咗呢一間好隱世既日式fusion 廚師發辦，江門口有啲隱蔽唔會太起眼要細心先至會望到個招牌，推開門快in裝修幾新穎型格座位唔算多，我哋坐咗喺吧枱位係可以望到廚師為你整菜。我哋要咗一個七course嘅晚餐。海膽多士每日新鮮空道到港既北海道馬糞海膽，加左海鹽、日本柚子皮、焦糖洋蔥，成個配搭好夾，連埋紫蘇葉一齊食，夠哂清甜。三文魚子·約克群布丁用左英國yorkshire pudding做底，好特別，西日fusion 自創菜式，面頭仲有大量三文魚籽，夾雜住明太子mousse，口感層次豐富，有驚喜！備長炭明火燒和牛用上宮崎A5和牛，是牛臀肉蓋肉，即是Pat pat對上的位置，肥美厚身。口感軟腍，充滿牛肉香。伴碟的本菇和秋葵，可以消解和牛既飽膩感。三文魚釜飯熱辣辣既日本煲仔飯，三文魚煎得香脆，入口鮮嫰，還有白舞蓉菇，配埋昆布豉油，最正係煲底既飯焦，十分脆口，飯既份量都唔少，食得好滿足。最後仲有「柚子·梅酒」，係來自和歌山縣紀州石神，充滿果香。