港滋味 (已結業)

過往去東大街都係食雲吞麵、串燒，今日試吓啲港式小菜！見入面食客唔少，就入去試吓！冰鎮凍鮑魚醬汁係師傅秘製，我自己就食到有少少荔枝甜味，凍鮑魚入口爽口鮮甜，所以呢道前菜好清新鹹蛋肉碎茄子扇茄子去咗層皮，所以入口嘅時候好軟身，另外鹹蛋肉碎同茄子好夾，而且鹹蛋嘅份量啱啱好，三合一咁食，呢道餸好有驚喜！首創三燒腩叉燒腩係半肥瘦，而且燒到有燶邊，醬汁相比平時甜味比較重嘅叉燒汁更惹味！蒜蓉蒸黄花魚黃花魚鮮嫩而不腥，而且蒜蓉量超足夠，啖啖都有蒜蓉，正！原味牛肋肉高級版嘅蘿蔔炆牛腩，因為佢係用牛肋肉，牛肉軟嫩而不散，而且牛味好濃！