串燒殿 (已結業)

呢排天氣咁凍，好想食串燒，但係又唔想自己燒🙊朋友帶我黎呢間餐廳食，正呀！之前經過已經俾佢嘅香味吸引住🙊<麻辣小龍蝦>好惹味，冬天食呢個係好幸福🥰食完個身暖笠笠，小龍蝦唔係死辣，後勁十足😶<錫紙燒蒜蓉花甲>份量十足，而且有好多蒜蓉🙊<燒韮菜、燒翠玉瓜、醬燒墨魚咀串、燒五花腩肉、燒秋葵><燒五花腩肉>係超正，燒到脆卜卜，入面就juicy，入口溶，滿口油香❤️<燒韮菜>好有四川feel, <醬燒墨魚咀>爽口，正。<超邪惡芝士燒茄子>好大份！而且係超多芝士！我呢個芝士fans表示好開心！要讚一讚嘅係，燒茄子唔會過油💓我食完都唔係太guilty🤣<椒鹽魷魚鬚>炸得好香，呢個小食，送酒一流❤️