IS Café (已結業)

今日去開香港仔探個朋友，順便同佢慶祝生日，佢就揀左係黃竹坑如心南灣酒店既LIS Café Buffet。不過因為逆症關係，都改為劃紙仔落單，唔洗提心吊膽咁出去拎野食，又要擔心其他人會唔會唔小心噴左口水落去，即使改左形式，感覺上選擇都無比平時buffet既選擇少。食buffet 一開始點左海鮮同刺身先啦，海鮮有長腳蟹、蝦、蜆同青口。依到大大隻既長腳蟹真係不得了，新鮮蟹腳啖啖肉，蟹腳好厚肉帶重海水味，蟹水又唔會流失，肉質又夠晒鮮甜，蟹身本身既鮮味再加上每一口都係蟹肉，我地都忍唔住encore呀！ 刺身方面，首選係三文魚，夠晒肥美厚肉，仲要砌到靚一靚成朵花咁，平時係其他地方食buffet 師傅都唔會咁用心，good！依到parma ham配蜜瓜擺盤都好靚，D ham 肉質柔軟，D Ham既鹹香同哈密瓜既甜味中和到，仲有個磨菇湯夠晒creamy同rich，口感順滑又重菇味。仲有好多唔同中式西式既冷熱盤，好小可係酒店食buffet會食到煎蠔仔餅，蠔餅粉漿唔算落得太多，夠晒脆口又唔會食到成口粉。而烤羊柳都使得唔錯，食落質感唔會韌，羶味都唔會太重，仲有外層既皮都烤得好香脆。甜品方面，個人最鍾意用料十