牛精皇 (已結業)

今日同屋企人去左九龍城食好野，去左～牛精皇～打個靚邊爐，呢度最出名牛肉火鍋🔥食材十分新鮮💯尤其係海鮮令人印象難忘。火鍋店不算大，但坐得舒服，適合同朋友來慢慢食。我地揀左傳統🍅蕃茄薯仔鍋，同阿媽煲既有得揮，夠鮮甜，真材實料，家的味道。點左個2人份既海鮮盛盒，呢度啲海鮮大大隻，夠哂新鮮，種類都好豐富，有帶子、鮑魚、蟶子、蝦、花甲同蜆。😍至愛💕肥美既白鱔片🐟， 食到舐舐脷。😋打邊爐點少得🐂食牛呀，肉質嫩但不油膩既安格斯雪花肥牛、牛味香濃既本地牛坑腩，加上彈牙juicy手打牛丸，滿足牛魔王。🐮仲有大大粒鮮蝦雲吞，食落有陣麻油香味。食埋綠油油既油麥菜就夠曬健康，營養均衡。❤️