味火鍋 (華僑商業中心)

朋友推介，第一次光臨旺角味火鍋，一入到嚟覺得呢度地方好寬敞，每一張卡位梳化枱好大張，每張卡位都可以輕鬆坐到六個人。而坐低第一個印象真係覺得餐廳衛生情況好理想歌，因為所有餐具都好乾淨 完全冇油漬，調味架選擇又多，大家一定要試吓佢個秘製麻辣燙醬汁，整齊乾淨，地方闊落，依度主理人應該都係環保分子，飲筒都係用再造只飲筒，飲品選擇都好多，仲有樽裝可口可樂，大家都知道樽裝是最好味的。餐牌火鍋四步曲，先來確是一個頭盤，今天我選了波士頓龍蝦，朋友選擇了芝士焗生蠔，芝士焗生蠔芝士味好濃啱啱好。龍蝦肉夠晒彈牙。跟住就是每台一個安格斯牛肉拼盤及時令海鮮拼盤，大家見到海鮮種類非常多，有蟶子，海蝦，沙白蜆，魷魚，鱔片。海鮮夠新鮮，海蝦都幾彈牙，聖子都唔錯。有咁多好食嘅海鮮配上無限時任食，性價比高！湯底選擇都好多，今日就揀鴛鴦湯底，麻辣配日式豆乳海鮮鍋。再點了一個芥辣墨魚丸，唔係周圍有，裏面啲芥辣味甜甜地辣辣地配埋麻辣湯底好味。