Running 燒 (已結業)

之前去過韓國食過燒肉放題，就有D念念不忘，所以就搵到依間試下！Menu有好多野食：可以燒海鮮、肉類，亦都有D炸雞、麵個D食，好多元化，我地見今次係放題所以就叫多D海鮮食！我地叫左D芝士生蠔同普通生蠔去燒，燒芝士生蠔好香好惹味！D芝士融化晒，燒完之後個蠔十分肥美飽滿，咬落去個蠔好多汁，肉質好實在；普通燒生蠔就蠔味濃D重D。大蝦真係好大隻，燒完之後已經好香噴噴，蝦肉熱辣辣，爽口又彈牙，所以我地都encore左一輪！另外燒扇貝同帶子都好爽，唔會乾，都好值得叫。肥牛脂肪較多，燒起黎多D油，唔洗燒好耐已經ok，食入口真係即融，油質好豐富，油香係個口浪下浪下咁！鐘意邪惡既朋友一定要試！另外叫左五花腩，都係較多脂肪，不過唔同既係口感更加實在，唔係入口即融，不過都係好香肉味。最後甜品有一人一條芒果雪條，唔會好凍冰冰，芒果味好甜。