🥢刺身拼盤及湯：
食火鍋前先食d刺身作為前菜墊下肚，由冷食物食起👍之後就係用個壺倒湯出來飲潤下喉，幾清甜。依個進食次序分得好仔細，儀式感滿滿。
🦞🦐🦀超級海鮮盒：
叫得 超級 當然款式豐富，有龍蝦🦞、鮑魚、蟹🦀及帶子。樣樣新鮮，特別喜愛龍蝦及蟹，鮮甜唔駛點醬食已經好好味🤤。其他於九宮格內：蟶子、蝦、大蜆及珍珠蠔，食勻晒餐廳既海鮮，高質！
龍躉片、龍躉頭腩、脆肉鯇魚及大魚頭：魚🐟都有幾款，最鍾意食大魚頭，有d一粒粒既魚肉、魚皮又充滿骨膠原。
🐂🐮手切肥牛 & 安格斯牛肉 & 牛骨髓：
切得好薄身，色澤幾靚而且肉質嫩滑。
食到中後段湯底索晒海鮮及牛肉既精華就放入竹笙及韭菜餃包你舔舔脷。雪櫃既飲品任飲，有d健康飲品解下渴。
