酒鍋 (V Point) (已結業)

呢間餐廳嘅環境幾好，環境寬躺，樓底夠高，窗邊位更加可以望到海景，而且裝修好有格調。.我哋叫咗個牛氣沖天火鍋，聽個名好似好霸氣，原來係仙氣逼人唔單止有好多花花，仲噴曬煙非常適合打卡拍照。.湯底我哋揀咗兩個而且好足料，味道好濃又冇味精，分別是芫荽皮蛋鍋及黃金美人，食完都唔會覺得口渴，個黃金美人重有花膠添。.而且火鍋材料用了上成又新鮮的日本飛驒牛、頂級安格斯牛小排、金錢牛展、牛胸爽、牛心頂、牛筋牛脷，唔使點醬料，都已經好夠味，鍾意食牛的一定會喜歡，因為d牛脂肪分布均勻，肉質鮮美，加上有不同部位可以食，一次滿足多個願望。.還有手打蝦丸墨魚丸，爽口彈牙，再加上有車厘茄、南瓜片、秋葵、雞髀菇的健康食品配搭。.餃子有黑松露蝦蟹餃、芝士紫菜蝦蟹餃、韭菜餃。個人最喜歡黑松露蝦蟹餃，黑松露味道好濃烈，而且入面有好多蝦蟹，有咬口夠鮮味。.因為我唔太食辣的，所以要求店員幫我將避風塘脆炸鮮魚皮轉做鹹蛋黃脆炸鮮魚皮，魚皮新鮮炸起又脆又香口，而且上面滿滿金黃色鹹蛋黃，惹味又邪惡。.飲品叫咗洛神花茶同竹蔗茅根，前者酸酸甜甜好醒胃，後者清熱解毒。