食之劇場餐廳 (已結業)

之前去日本食過，非常高質，之後一直都念念不忘，早幾日聽朋友講話係西貢有，即刻約埋幾個老友入去試下，未食已經嘩嘩聲，無敵海景，傳統日本食店既裝修，令我地更加期待佢既菜式！ 前菜 有三款，係用木盒上，一打開就會有煙燻效果，京都豆乳、京都銀杏、水雲麻醬，豆乳既嫩滑加上酸梅醬，感覺好清新， 銀杏加埋鹽一齊都幾特別，水雲麻醬兩樣嘢既口感好夾！ 金目鯛及深海池魚皇 刺身好新鮮，肥美，而且係厚切！ 無錯係厚切！ 加上餐廳既白醬油，唔會太過搶走啲鮮味 海膽鰻魚蒸蛋 海膽鮮，加上好香既蛋香味，另外蒸蛋入面有鰻魚，好特別既口感，好好味！ 甲羅燒配多士 蟹肉加上蟹子，配上香脆既多士。 多士吸收左啲精華（蟹汁），加上蟹肉同蟹子一齊食，好好食呀！ 蔥吞拿魚腩手卷 手卷係師傅即場握既，魚腩新鮮肥美同脆卜卜既紫菜，加小小白醬油，已經好好味！ 豆腐麵豉湯重點係用白神山水煮既，豆腐嫩滑，湯味濃郁！ 甜品羊羹有兩層，上層煙煙韌韌，下層就淋既，都幾特別，番薯唔似一般食開咁，幾creamy ，溝埋忌廉一齊整，直得一試！