海南少爺 (已結業)

前幾日同朋友去開尖沙咀行街，經過海運大廈，海運大廈入邊嘅餐廳唔少都可以望到海景，氣氛唔錯，其中有間新加坡菜式幾特別，於是同朋友入去試吓。印尼炒飯配沙嗲串燒 $98印尼炒飯炒得好香，飯粒粒粒鮮明，有鑊氣味。串燒有兩串，配埋炒飯一齊食，又幾夾喎。招牌海南雞飯 $99海南雞飯用上咗百日三黃雞，好香，同埋雞味特別重，肉質鮮味，食落肉嫩味甜。雞再點上三色醬，甜辣酸集於一身，海南雞水準出色。雞油飯好香，值得揀油飯，飯有香茅同斑蘭葉味，香味十足。新加坡肉骨茶（白胡椒蒜頭）$128有砂煲裝住嘅肉骨茶，已經別有一番風味。食材非常豐富，有原隻蒜頭、一字排、藥材等等，有驅寒暖胃嘅作用。肉骨非常嫩滑，肉香十足，好好味。肉鬆煉奶夾酥餅 $62酥餅一定要趁熱食，熱辣辣嘅酥餅，肉鬆完全吸收晒煉奶嘅精華，咬入口嘅時候又甜又香，作為小食一流㗎。新加坡番薯喳喳（熱）$48材料十足，估唔到入面仲有芋圓、紫薯園、地瓜圓，每一粒都好香，食得出唔同嘅味道。糖水亦有好香嘅椰汁味，有驚喜，一定要試吓。坐正喺海邊食野特別開心，下次再黎！