影片
更多
2017-11-05
81 浏览
場內有一個海鮮漁缸，裏面見到各式各樣嘅生猛海鮮，即撈即燒，釋出最美味嘅鮮味！再加上佢會喺我哋枱上邊燒海鮮，即係浜燒，望到新鮮嘅海鮮慢慢變色，香氣滿溢！今晚係快樂嘅星期五，呢一餐新鮮嘅晚餐再加上鯉魚門嘅舒適海景，令人好暢快！前菜點左呢個日本豆腐沙律，又香又滑好香豆味！溫度啱啱好，而且係底嘅菜都非常新鮮！刺身簡直係平時omakase 嘅質素呢樣真係令我好意外！原本來嘅時候都係諗住主打浜燒，點知呢度刺身都非常出色！我問老闆會唔會係每次都係同樣嘅刺身？佢話會選擇最新鮮最靚嘅出嚟，識落啖啖肉，鮮味十足，豉油都唔使點得多！海膽好靚仔！呢隻蟹非常鮮味，啖啖肉！日本生蠔一般平時食開法國生蠔嘅人都會想食法國、而且食親都唔會想熟食！ 但今次唔同呀，我第一次係香港食到食咁好味嘅日本蠔，簡直係同日本式嘅一樣味道，好鮮、好甜，而且燒得啱啱好唔會over cooked 最鍾意嘅係佢係我面前即燒、即開、即食！呢個帶子非常不得了！佢鮮嫩嘅質素簡直係刺身級，而且燒完都唔會縮左水，大大隻啖啖肉，好邪惡！另外我哋都點咗支日本酒，呢度日本酒非常唔錯，mark up不多，怕煩的懶朋友喺度嗌酒都非常抵！燒海鮮來講我都幾怕食啲細細
場內有一個海鮮漁缸，裏面見到各式各樣嘅生猛海鮮，即撈即燒，釋出最美味嘅鮮味！再加上佢會喺我哋枱上邊燒海鮮，即係浜燒，望到新鮮嘅海鮮慢慢變色，香氣滿溢！今晚係快樂嘅星期五，呢一餐新鮮嘅晚餐再加上鯉魚門嘅舒適海景，令人好暢快！
前菜點左呢個日本豆腐沙律，又香又滑好香豆味！溫度啱啱好，而且係底嘅菜都非常新鮮！
刺身簡直係平時omakase 嘅質素呢樣真係令我好意外！原本來嘅時候都係諗住主打浜燒，點知呢度刺身都非常出色！我問老闆會唔會係每次都係同樣嘅刺身？佢話會選擇最新鮮最靚嘅出嚟，識落啖啖肉，鮮味十足，豉油都唔使點得多！
海膽好靚仔！
呢隻蟹非常鮮味，啖啖肉！
日本生蠔
一般平時食開法國生蠔嘅人都會想食法國、而且食親都唔會想熟食！ 但今次唔同呀，我第一次係香港食到食咁好味嘅日本蠔，簡直係同日本式嘅一樣味道，好鮮、好甜，而且燒得啱啱好唔會over cooked
最鍾意嘅係佢係我面前即燒、即開、即食！
呢個帶子非常不得了！佢鮮嫩嘅質素簡直係刺身級，而且燒完都唔會縮左水，大大隻啖啖肉，好邪惡！
另外我哋都點咗支日本酒，呢度日本酒非常唔錯，mark up不多，怕煩的懶朋友喺度嗌酒都非常抵！
燒海鮮來講我都幾怕食啲細細隻嘅，我好驚佢煮耐左會好un，點知呢個粒粒都好！好！味！不得了
最後見佢刺身唔錯所以都帶咗個壽司類別嘅卷物
我哋四人行
其中有兩個男士，可能有少少飯落肚會飽啲
呢個捲物非常有氣勢，味道唔錯，不過俾我揀嘅話當然係刺身類別都分好多啦！
食到飽飽地枝酒又未飲晒，所以叫咗個最愛嘅小食
雞泡魚干
雞泡魚干我係出邊都成日叫來食， 不過呢度呢一個有少少唔同，佢上面圖左薄薄嘅蜜糖，平時嗰啲可能都有架掛？不過今次真係特別好味
甜品方面呢個係北海道芝士蛋糕
常識點都係做果行就專果行
呢間浜燒日本小店真係令我好驚喜
由前菜、刺身、 壽司、主菜浜燒、小食，甚至甜品都一絲不苟！
香港越嚟越普及浜燒，之前都試過好多間，而今晚呢間性價比係最高嘅！
如果唔帶支酒嘅話人均消費大概＄800
值得一來再來
张贴
