影片
更多
2019-11-30
39 浏览
通常講起食泰國野我相信大家都會諗起九龍城，雖然無地鐵但其實呢到有好多巴士都經所以黎覓食都算幾方便架! 今日晏就同屋企人黎九龍城買香料，之後決定係到食埋晚飯先返去，不過講真九龍城泰國餐廳真係好多都唔知揀邊間好！今次就有個朋友推介咗呢間小曼谷海鮮燒烤屋比我，一於同屋企人試下呢間啦!呢間小曼谷海鮮燒烤屋係太子道西個面，地點都幾易搵，一黎到印象都唔錯。首先，鋪頭坐位都幾闊落，而且仲有得outdoor向內街咁坐，係呢啲天氣坐係到食都真係幾舒服! 另外，一入到去啲職員非常好客，同埋個個都好好笑容，入去感覺都已經好好! Menu入面都有好多唔同嘅菜式揀，樣樣都睇落好吸引咁呀! 我地總共嗌咗6樣菜：泰式生蝦刺身，細嘅炸蝦餅，原隻鮮魷筒釀糯米飯，鐵板豬頸肉椰菜苗，鵝肝多士同埋泰式鮮蝦炒金邊粉。另外，野飲方面嗌咗個泰式奶茶同椰青! 頭盤方面，生蝦刺身係我每次食泰國野都必嗌，呢到嘅生蝦食落好爽口好新鮮，而且睇得出啲蝦都處理得好乾淨，連埋蒜頭同辣椒咁食簡直係perfect match，好開胃! 然後炸蝦餅熱辣辣咁上枱，佢地所有食物都係新鮮即刻整但又唔洗等好耐，呢到嘅蝦餅同平時出面食開扁身嘅形狀有啲唔同，呢到係
呢間小曼谷海鮮燒烤屋係太子道西個面，地點都幾易搵，一黎到印象都唔錯。首先，鋪頭坐位都幾闊落，而且仲有得outdoor向內街咁坐，係呢啲天氣坐係到食都真係幾舒服! 另外，一入到去啲職員非常好客，同埋個個都好好笑容，入去感覺都已經好好! Menu入面都有好多唔同嘅菜式揀，樣樣都睇落好吸引咁呀! 我地總共嗌咗6樣菜：泰式生蝦刺身，細嘅炸蝦餅，原隻鮮魷筒釀糯米飯，鐵板豬頸肉椰菜苗，鵝肝多士同埋泰式鮮蝦炒金邊粉。另外，野飲方面嗌咗個泰式奶茶同椰青!
頭盤方面，生蝦刺身係我每次食泰國野都必嗌，呢到嘅生蝦食落好爽口好新鮮，而且睇得出啲蝦都處理得好乾淨，連埋蒜頭同辣椒咁食簡直係perfect match，好開胃! 然後炸蝦餅熱辣辣咁上枱，佢地所有食物都係新鮮即刻整但又唔洗等好耐，呢到嘅蝦餅同平時出面食開扁身嘅形狀有啲唔同，呢到係比較肥大嘅球狀，熱辣辣啖啖肉好滿足呀! 佢個炸粉係岩岩好厚度唔會太厚，點到即止，另外入面嘅蝦肉都係爽口嘅。
食完兩道都好滿意嘅前菜，到主菜啦！原隻鮮魷筒釀糯米飯呢個我覺得幾特別，好少見入面係釀糯米飯，其實佢份量係超大條，幾抵食，而且好細心切開咗一份份，魷魚食落都好新鮮唔會難咬，配埋糯米飯口感幾得意，煙煙韌韌，食落好飽肚! 朋友話呢到海鮮出名果然無介紹錯呀；
另外pad thai 都係我泰國菜入面嘅至愛黎，呢到炒出黎嘅色水同我泰國食嘅差唔多，麵方面火候岩岩好，唔會太硬或者太淋，好有咬口，蝦都好新鮮，撈埋花生口食好正，呢到令我有去咗泰國啲感覺！
另外，我地都嗌咗個菜，就係鐵板豬頸肉椰菜苗，呢碟係見隔離枱上枱好有霸氣jarjar聲，所以都嗌返碟，上枱個陣係香味四溢，份量唔姑寒，非常大碟呀! 啲菜都幾嫩唔會老，豬頸肉係大讚，因為好juicy同埋煮得岩岩好，唔會好韌！食返啲菜感覺無咁邪惡呀哈哈！
最後餵食嘅我仲嗌多咗個鵝肝多士，之前食開嘅泰國菜餐廳好少見，加上口痕心思思想食就嗌咗黎試下，個蒜蓉包係即烘非常脆口同埋個鵝肝煎得岩岩好，同埋煎得唔會好油，鵝肝同蒜蓉包真係好夾，個包會吸咗鵝肝嘅肥膩感，一件share黎食岩岩好！
野飲方面，泰式奶茶屋企人話幾好飲，幾有泰國feel，奶味較重，同港式奶茶好大分別！另外我個椰青都好大個又甜，飲完仲有啖啖肉可以食，椰青又可以降下火，所以係我每次食泰菜必嗌嘅飲品！
總結黎講，呢餐都食得好開心，食物質素高，員工嘅服務好好，加上坐得又舒服，食咗成道餸埋單盛惠$758，其實價錢唔貴，稱得上抵食，下次絕會搵埋三五知己過黎一齊小聚一番！
张贴
