藍象泰國餐廳 (已結業)

放假同朋友去尖沙嘴海港城行街，行完街就去左藍象食tea。藍象裝修雅緻，比人的感覺好舒服。我地嗌左Thai style afternoon tea Set $168 for 2，包2杯飲品。，三層架第一層係泰式辣朱古力、班蘭撻和暖心榴槤撻。辣朱古力小小辣，味道好特別，入口即溶；班蘭撻班蘭味好香，撻皮酥化；榴槤榴槤味濃郁，夠曬滋味。中間果層有柚子蟹肉沙律卷、皇家宮殿蒸餃子和馬可。馬可的味道好濃，配埋菠蘿剛剛好；柚子蟹肉沙律卷好清新；餃子整成白色、藍色的雀仔咁，造型別緻。最底層有泰式比利時炸蝦、香脆蝦餅和泰式春卷。春卷厚實足料夠香脆，配合泰式醬好惹味；蝦餅煎得剛剛好；炸蝦唔厚粉，隻蝦好彈牙。呢個價錢可以係咁樣的環境之下享用下午茶真係物超所值。