L’atlantis (裝修中)

果日同朋友傾開計，話見黃金泳灘有間西餐廳開咗，好似環境幾好，話搵日約埋去試下。所以過咗冇耐，就同朋友揸車去食咗個幾驚喜嘅晚餐。我哋泊咗喺近酒店嘅停車場，全部咪錶位，放低就向沙灘方向行唔夠5分鐘就見到。近沙灘嘅餐廳係得呢間，一路行近已經見到outdoor環境幾有feel，天氣涼涼地其實坐出面都幾正！不過朋友話想坐入面先。入到去都幾舒服，氣氛幾好。我地睇咗陣餐牌，因為選擇都多，要睇哂set dinner同主餐牌都要啲時間。最後我地決定散叫，因為有幾樣菜式set dinner 入面係冇。頭盆嗌咗Vodka辣虎蝦 同 牛油果蟹肉焗菇。朋友仲叫咗一個白松露忌廉湯。主菜就叫蟹肉意大利飯拌三文魚子 同 紅酒汁澳洲超羊架。頭盆已經幾靚幾吸引，個vodka蝦，新鮮、惹味，辣辣地，同上面啲配菜，蒜、菇 一齊食會愈食愈辣，酒同辣味好match。個牛油果蟹肉焗菇幾特別，估唔到呢個配搭係咁好味，又有創意。之後朋友話個白松露忌廉湯好掂，白松露味幾重，同一般忌廉湯真係唔同喎，佢話下次想試其他，但又怕會忍唔住嗌返呢碗。到主菜蟹肉risotto，蟹肉同飯融為一體，配埋三文魚子，即刻幾有口感。一直好鐘意食risotto