影片
更多
2020-12-14
46 浏览
朋友最近喺將軍澳popcorn食過間沖繩石垣和牛放題好正，可以媲比日本，極力推介我去，今日同男友特登嚟試下。去到已經見到好多人排緊隊，好彩我醒目訂定位啫，如果唔係就有排等。 門口仲有間大將超市，有好多日式調味料🧂賣㗎，不過最好食之前去買，因為食完佢已經關咗門，想買都買唔到😔 呢度有好多款放題可以揀，我哋當然係特登嚟捧沖繩石垣和牛嘅場啦，90分鐘內食食食...😋😋 間餐廳好大，位置好闊落，裝修都以日式木系為主，令人感覺好舒服。 一坐低，先揀咗兩個沖繩限定全新湯底，有松葉蟹味增湯，有啖啖蟹鮮味，而山葵鹽骨膠原雞湯，又唔會話好濃嘅Wasabi 味，所以唔駛怕嗆鼻。 先送上石垣和牛🐮，啲紋理排列好整齊，望到已經流口水🤤🤤。食落滿口油花，入口即溶，肉質鮮嫩，如果想保留入口即溶嘅感覺，記得唔好灼太耐，大概10秒左右已經可以啦。我哋Ko完一碟又一碟。 除咗有石垣和牛，都仲有雞腿肉🐔、五花肉🐖、豚梅肉🐷可以選擇。 松葉蟹腳🦀味道鮮甜，如果想保持鮮味，又係唔好灼太耐呀。呢間餐廳仲會用機械人送餐，好潮呀。 自助區有各式蔬菜🥬🌽，仲有炸雞、沖繩縣木魚燒苦瓜🫑、拌菜、煮茄子🍆、柚子青瓜漬🥒。特別一提個炸雞好好
朋友最近喺將軍澳popcorn食過間沖繩石垣和牛放題好正，可以媲比日本，極力推介我去，今日同男友特登嚟試下。去到已經見到好多人排緊隊，好彩我醒目訂定位啫，如果唔係就有排等。
門口仲有間大將超市，有好多日式調味料🧂賣㗎，不過最好食之前去買，因為食完佢已經關咗門，想買都買唔到😔
呢度有好多款放題可以揀，我哋當然係特登嚟捧沖繩石垣和牛嘅場啦，90分鐘內食食食...😋😋
間餐廳好大，位置好闊落，裝修都以日式木系為主，令人感覺好舒服。
一坐低，先揀咗兩個沖繩限定全新湯底，有松葉蟹味增湯，有啖啖蟹鮮味，而山葵鹽骨膠原雞湯，又唔會話好濃嘅Wasabi 味，所以唔駛怕嗆鼻。
先送上石垣和牛🐮，啲紋理排列好整齊，望到已經流口水🤤🤤。食落滿口油花，入口即溶，肉質鮮嫩，如果想保留入口即溶嘅感覺，記得唔好灼太耐，大概10秒左右已經可以啦。我哋Ko完一碟又一碟。
除咗有石垣和牛，都仲有雞腿肉🐔、五花肉🐖、豚梅肉🐷可以選擇。
松葉蟹腳🦀味道鮮甜，如果想保持鮮味，又係唔好灼太耐呀。呢間餐廳仲會用機械人送餐，好潮呀。
自助區有各式蔬菜🥬🌽，仲有炸雞、沖繩縣木魚燒苦瓜🫑、拌菜、煮茄子🍆、柚子青瓜漬🥒。特別一提個炸雞好好味呀，好似平時喺日本便利店買嗰啲咁，好似返咗日本咁呀。
仲有各式丸類、年糕福袋、拉麵🍜等等，嚟到大將點可以唔試下佢哋嘅大將軍丸呢。
呢度仲有自製雜坎飯料理🍛，檯面有個牌逐步逐步教你點整，唔驚唔識整。
飲品方面，除咗有支裝鴻福堂飲品，仲有自助咖啡機，同埋有部自助汽水機🥤可以自由斟，仲有得揀推介口味、人氣排名💥、配搭口味，一㩒個掣啲味就自動溝好晒，超級方便。
仲有得自製格仔餅添呀，大人細路都啱玩，佢有2隻味可以整，原味同埋綠茶🍵，我兩種都試晒，不過個人鍾意原味多啲，蛋味好香，未食已經聞到香噴噴。仲可以自己加唔同toppings，有朱古力醬、粟米片、脆脆、棉花糖等等。
呢度仲有啲小蛋糕🍰🥧，最正係有部自助雪糕機🍦，有3隻味可以揀，雲呢拿、朱古力同混合口味，啲雪糕好香奶味，而且夠滑，仲可以自己加toppings。
今餐食得好滿足呀！朋友果然無介紹錯，推介指數絕對係💯💥。
张贴
