影片
更多
2023-01-25
192 浏览
之前係觀塘番工嘅時侯就已經幫襯過佢地，午市套餐好抵食，今次就專程試下佢地嘅晚市放題。放題選擇都好多，外面自助區就有熟食吧，提供湯、炸物、海鮮、時令生果。另外當然唔少得飲品區，特別在於佢地提供好多款啤酒，有Somersby蘋果梳打、同埋多款人氣啤酒，例如Asahi。講到酒類，佢地仲有清酒同埋梅酒，真係可以同三五知己一飲而醉。最後自助區仲有雪糕同埋甜品。雪糕佢地除左有自家雪糕機，仲有Haagen Dazs，同埋多款韓國雪條，真係花多眼亂。講完自助梗係到QR code落單嘅產品。刺身同埋壽司類：常見嘅刺身都有提供，我就試左三文魚、油甘魚、希靈魚、北寄貝、北海道帶子、赤貝、赤蝦。款款都好新鮮，質素唔錯。壽司我就試左花之戀、芝士鰻魚玉子燒。花之戀嘅三文魚鮮味加埋沙律醬，入口即溶。另外玉子燒蛋味十足。燒物我就試左芝麻雞翼、泰式虎蝦、燒香草羊鞍、蒜蓉粉絲蒸扇貝、蒲燒鰻魚、鹽燒牛舌、燒菠蘿。我自己就最鍾意羊鞍，外層預先用香草醃製，內層又粉嫩多汁。至於炸物我就唔係叫左好多，首選榴槤炸彈，外皮炸到香脆，內層又流心。總括嚟講款式好多，性價比好高。極尚大喜屋 (鱷魚恤中心) (觀塘)觀塘開源道79號鱷魚恤中心
放題選擇都好多，外面自助區就有熟食吧，提供湯、炸物、海鮮、時令生果。另外當然唔少得飲品區，特別在於佢地提供好多款啤酒，有Somersby蘋果梳打、同埋多款人氣啤酒，例如Asahi。講到酒類，佢地仲有清酒同埋梅酒，真係可以同三五知己一飲而醉。
最後自助區仲有雪糕同埋甜品。雪糕佢地除左有自家雪糕機，仲有Haagen Dazs，同埋多款韓國雪條，真係花多眼亂。
講完自助梗係到QR code落單嘅產品。
刺身同埋壽司類：
常見嘅刺身都有提供，我就試左三文魚、油甘魚、希靈魚、北寄貝、北海道帶子、赤貝、赤蝦。款款都好新鮮，質素唔錯。
壽司我就試左花之戀、芝士鰻魚玉子燒。花之戀嘅三文魚鮮味加埋沙律醬，入口即溶。另外玉子燒蛋味十足。
燒物我就試左芝麻雞翼、泰式虎蝦、燒香草羊鞍、蒜蓉粉絲蒸扇貝、蒲燒鰻魚、鹽燒牛舌、燒菠蘿。我自己就最鍾意羊鞍，外層預先用香草醃製，內層又粉嫩多汁。
至於炸物我就唔係叫左好多，首選榴槤炸彈，外皮炸到香脆，內層又流心。
總括嚟講款式好多，性價比好高。
極尚大喜屋 (鱷魚恤中心) (觀塘)
觀塘開源道79號鱷魚恤中心3樓
张贴
