Cocoon (已結業)

好少寫食評，因為覺得一間餐廳一兩次好食，都唔代表佢一直都咁好。今次好想寫，因為呢間樓上cafe真心高質，開業到而家水準都好好，價錢合理，定期又會換新menu，又有西餐又有串燒，岩晒三心兩意乜都想食嘅人，叫個set dinner 再加串燒就乜都可以食啲。佢啲西餐好食，配菜都好有心機整，薯蓉都好正，特飲又大杯（試過同朋友叫一杯share），但我最鍾意佢嘅串燒，燒雞翼呀、扇貝呀，都好好食，除左肉類好juicy，佢啲燒蔬菜都好正，食串燒都可以好健康。