東羅 泰館 (已結業)

朋友搬咗去觀塘凱匯，今日放假去探下佢，之後落去樓下商場行吓，商場同以前真係有天淵之別，除了有全新的裕民坊 YM² 商場，並設有新型公共運輸交匯處。朋友請我去商場三樓東羅 泰館食泰國菜，餐廳門前擺放藤椅，以曼谷異國風情裝修，很有泰國文青Cafe的感覺，打卡一流！食品主打冬蔭功湯、串燒、咖喱海鮮、船麵等！泰館冬陰功湯，湯底非常濃郁，以鮮蝦熬製，味道特別鮮甜，2隻大蝦肉質鮮甜彈牙！東羅手打蝦棒即叫即炸，口感Q彈。脆炸豆腐軟嫩，配泰式魚露，味咸鮮帶點辣！泰式鹹蛋黃單骨雞翼，單骨雞翼方便吃，炸雞翼香脆無比，金沙陣陣咸香，加上滑滑雞肉，令人食不停口！冬蔭功雞扒漢堡配薯條，漢堡外脆內軟，雞扒厚肉煎得香口，配搭紫椰菜、紫洋蔥、芝士、特製醬汁，無論口感和味道都唔錯！薯條亦好香脆。東羅泰滷豬手，豬手滷得夠曬入味，而且已經去骨，入口啖啖肉，我最鍾意食豬手皮，滑嘟嘟！啖啖都有骨膠原的感覺。泰式炭烤雞髀船麵，大大隻炭燒雞髀燒到香噴噴，炭燒火候控制剛剛好，肉質嫩滑，充滿炭香味。豬皮炸至蓬鬆酥脆 味道微鹹，湯底色澤深褐帶濃烈香料味，麵條加入芽菜，味道口感都更豐富。