影片
更多
2022-01-29
138 浏览
最近喺IG見到一間burger小店嘅相覺得佢哋嘅三層肉嘅Burger好大好吸引，店舖嘅image都好鮮明好吸睛，就吸引咗我特登去試吓！呢間舖頭位於深水埗附近，附近都係啲傳統嘅布行或者茶餐廳，所以離遠望到已經見到呢間舖頭嘅存在，店舖主要售賣牛肉漢堡，另外都有其他期間限定嘅漢堡例如魚肉，而且小食方面都好多種類，仲可以用套餐價街頭小食同埋飲品我覺得性價比都唔錯。一入舖頭當然就問吓佢哋有乜嘢好推介啦，佢哋推介我試吓佢哋自己研發嘅Smash Burger焦脆漢堡，店舖人員好好客，介紹咗原來佢哋嘅smash burger原來係將兩舊牛肉球喺燒板上面壓至外面焦香入面多汁嘅口感，而且仲特登俾我睇佢哋嘅原材料，透過佢哋開放式嘅廚房，全程望住佢哋製作絕對係貨真價實！Smash Burger除咗有普通嘅兩層牛肉之外，仲可以選擇三層嘅升級版甚至四層嘅至尊版，大家可以因應自己嘅胃口去選擇唔同嘅漢堡呢一點都好貼心。我自己今次選擇左普通嘅兩層牛肉，估唔到上枱都超級大份！一入口估唔到麵包都好鬆軟，就算我食咗一段時間都唔會淋；牛肉嘅味道好重好濃郁，而且一啲都唔油膩；配合返佢爽脆嘅本地水耕蔬菜同埋帶有一點辛辣嘅紫洋蔥，感
呢間舖頭位於深水埗附近，附近都係啲傳統嘅布行或者茶餐廳，所以離遠望到已經見到呢間舖頭嘅存在，店舖主要售賣牛肉漢堡，另外都有其他期間限定嘅漢堡例如魚肉，而且小食方面都好多種類，仲可以用套餐價街頭小食同埋飲品我覺得性價比都唔錯。
一入舖頭當然就問吓佢哋有乜嘢好推介啦，佢哋推介我試吓佢哋自己研發嘅Smash Burger焦脆漢堡，店舖人員好好客，介紹咗原來佢哋嘅smash burger原來係將兩舊牛肉球喺燒板上面壓至外面焦香入面多汁嘅口感，而且仲特登俾我睇佢哋嘅原材料，透過佢哋開放式嘅廚房，全程望住佢哋製作絕對係貨真價實！
Smash Burger除咗有普通嘅兩層牛肉之外，仲可以選擇三層嘅升級版甚至四層嘅至尊版，大家可以因應自己嘅胃口去選擇唔同嘅漢堡呢一點都好貼心。
我自己今次選擇左普通嘅兩層牛肉，估唔到上枱都超級大份！一入口估唔到麵包都好鬆軟，就算我食咗一段時間都唔會淋；牛肉嘅味道好重好濃郁，而且一啲都唔油膩；配合返佢爽脆嘅本地水耕蔬菜同埋帶有一點辛辣嘅紫洋蔥，感覺係嗰種好粗獷嘅美國手工漢堡，係男子味十足嘅感覺！
除咗個漢堡之外，我另外叫咗佢哋嘅炸魚條，雖然因為品嚐漢堡而無即刻食炸魚條，不過佢哋嘅魚條隔咗一段時間都依然好酥脆，而且入口有QQ嘅感覺，我個人都覺得不錯吃。
可能因為係疫情期間所以店舖嘅人員都有時間同我閑談兩句，喺言語間我都感受到佢哋嘅熱情，雖然香港而家越來越多連鎖式嘅店舖，但係小店嘅人情味同埋對製作食品嘅熱誠我覺得都唔應該俾人忽視，呢間餐廳嘅食品質素我覺得係極度推薦，大家如果有興趣嘅話都記得去試吓去支持一下香港小店啊！
张贴
