影片
更多
2025-08-07
0 浏览
任食火窩基本上都開到成行成市，要突圍真係唔容易，除左要食物有特色外，性價比又要高。今次黎到葵芳新都會，黎到一鍋堂，見到假日下午7點前離座都只係三百幾蚊，已經可以兩小時食到日本A4+黑毛和牛，咁一於就入去試下，發覺除左和牛外，都有唔少推介俾大家:黎到打任食邊爐，當然和牛要夠靚，呢度的黑毛和牛入口即溶，油香岩岩好，唔會話食到成口油而無左牛味。另外極上安格斯牛小排同M6和牛牛腹肉都唔錯。火鍋除左食材外，湯底都好重要，呢度有啲湯底係主打叫你飲先再打邊爐，今次試呢個金湯都幾濃味，由於佢即煲用生雞肉，所以肉質夠嫩滑，配合陣陣椰子味，飲完覺得好舒服但唔會頸渴。至於麻辣湯底好足料，麻味十足。基本上我淥完後都夠晒味，唔洗點醬油，鴨血同豆腐質素都唔錯。另外呢個加湯會得登俾麻辣上湯，幾有誠意，湯底味道唔會變淡。除左和牛外，一鍋堂都有其他特色食品，其中壽喜燒黑豚肉幾特別，特別在於黑豚肉超滑，而味道都餣得唔錯。打邊爐一定離唔開食餃子，呢度的餃子係自家制外，仲有特別款式，包括菠菜皮韭菜餃同埋媽媽梅菜豬肉餃。小食方面，首推蟹籽百花油條，油條夠脆，百花肉夠彈牙，細細舊少食多滋味幾好。至於花雕醉鮑魚同磯煮鮑魚都餣得幾好
[日本A4+黑毛和牛]
黎到打任食邊爐，當然和牛要夠靚，呢度的黑毛和牛入口即溶，油香岩岩好，唔會話食到成口油而無左牛味。另外極上安格斯牛小排同M6和牛牛腹肉都唔錯。
[金湯椰子雞鍋‧自家麻辣鴨血豆腐湯底]
火鍋除左食材外，湯底都好重要，呢度有啲湯底係主打叫你飲先再打邊爐，今次試呢個金湯都幾濃味，由於佢即煲用生雞肉，所以肉質夠嫩滑，配合陣陣椰子味，飲完覺得好舒服但唔會頸渴。
至於麻辣湯底好足料，麻味十足。基本上我淥完後都夠晒味，唔洗點醬油，鴨血同豆腐質素都唔錯。另外呢個加湯會得登俾麻辣上湯，幾有誠意，湯底味道唔會變淡。
[壽喜燒黑豚肉]
除左和牛外，一鍋堂都有其他特色食品，其中壽喜燒黑豚肉幾特別，特別在於黑豚肉超滑，而味道都餣得唔錯。
[自家制餃子]
打邊爐一定離唔開食餃子，呢度的餃子係自家制外，仲有特別款式，包括菠菜皮韭菜餃同埋媽媽梅菜豬肉餃。
[蟹籽百花油條‧花雕醉鮑魚‧磯煮鮑魚]
小食方面，首推蟹籽百花油條，油條夠脆，百花肉夠彈牙，細細舊少食多滋味幾好。至於花雕醉鮑魚同磯煮鮑魚都餣得幾好，鮑魚肉質夠爽彈，證明夠新鮮!
最後飲品方面，都有好多自家制的茶酒系列與及本地品牌有得解系列。而配料區方面，估唔到有振興丸同魚腐任食，潮洲粿肉有扎肉的感覺，疏菜方面有七彩薯仔片同埋花生芽菜，真係幾有驚喜。
张贴
