戀 (太子集團中心) (已結業)

今日突然之間好想食日本菜，係openrice見到呢間新開嘅餐廳好似唔錯就試吓啦😍餐廳採用木系嘅design 仲有好多款清酒 好有居酒屋嘅感覺，但又好闊落喎！好啱同friend坐係度慢慢傾吓偈😙我哋兩個人嗌咗好多野食🫣首先刺身方面我哋嗌咗油甘魚同吞拿魚。兩款都好鮮甜，厚切魚生嘅口感唔錯，唔會有筋/骨，可以一試！另外因為想食海膽，我哋就嗌咗一個三文魚海膽飯😍本身有啲驚會太多飯食到太飽，不過佢個份量啱啱好，有5塊三文魚，三文魚子同海膽。海膽好甘甜，入口即溶，同三文魚好夾啊😙之後就有串燒六式拼盤 (鹽汁)，有雞肉、羊肉、雞翼、荔枝豬肉、牛肉同牛舌。每一款肉都燒得啱啱好，有串燒嘅香味又唔會過熱同好難咬，最好食係荔枝豬肉，甜甜地嘅果汁配埋肥豬肉好邪惡啊😍嗌咗海老天婦羅🍤有4隻好大嘅蝦，因為好大隻所以兩個人share都覺得有啲飽肚，好彩佢唔會好多粉但隻蝦就好細隻咁，都好好食又新鮮。我哋仲嗌咗個豚肉豆腐鍋，個鍋一個人食應該會好飽！因為佢有好多塊豚肉，豆腐有兩三舊，仲有其他配菜 (芋絲 金菇 白菜 西洋菜等)，每一樣餸都唔差，重點係個湯底嘅豚肉味非常香濃，係會令人想飲晒啲湯底啊🫢最後野飲就嗌咗熱嘅玫瑰蘋