影片
更多
2022-11-07
111 浏览
聖誕日本機票貴到飛起，唯有拎埋機票嘅錢去食餐日本產和牛燒肉，一解相思之苦。我哋去咗朋友推介嘅喺荃灣廣場嘅和牛燒肉一郎。入到去終於明白點解朋友介紹去呢一間，燈光夠唔怕燒燶牛，周圍都好乾淨，唔會油淋淋癡立立。仲好細心陪埋圍裙俾你，唔怕彈到成身都係油。如果坐卡位仲有密封式自動送餐，方便又衛生。我話一係唔試一試就試好既， 我哋揀咗course D 日本產黑毛和牛，包118品，仲送左5盤靚靚頭盤，全部打卡able。老實講淨係食晒頭盤都已經好飽。講咩都冇用，睇吓啲相就見到啲和牛有幾靚，唔單止油脂分布均勻，入口即溶，瞌埋眼的話我仲以為自己已經飛左去日本。雖然已經好飽但我心思思又數下個QR code見到入邊好多嘢都想試，結果又追加左厚切牛舌果然係名物。另外，佢既帆立貝同蝦都值得一試，好爽口。但講真簡得呢個餐一定要勁食和牛先回本啦。另外出邊有好多款果汁最特別嘅係竟然除左一般汽水外，仲有利賓納桃汁蘋果汁橙汁。另外大家一定要留肚試佢嘅日本雪條，款款都好想試，結果我同老公加埋試咗五款，唔係飽到嘔的話我哋都想試埋其他款。另外甜品質素亦非常高，我試咗牛奶布甸非常滑。總結想食靚牛就嚟呢度試啦，一定唔會後悔。PS 見
入到去終於明白點解朋友介紹去呢一間，燈光夠唔怕燒燶牛，周圍都好乾淨，唔會油淋淋癡立立。仲好細心陪埋圍裙俾你，唔怕彈到成身都係油。如果坐卡位仲有密封式自動送餐，方便又衛生。我話一係唔試一試就試好既， 我哋揀咗course D 日本產黑毛和牛，包118品，仲送左5盤靚靚頭盤，全部打卡able。
老實講淨係食晒頭盤都已經好飽。講咩都冇用，睇吓啲相就見到啲和牛有幾靚，唔單止油脂分布均勻，入口即溶，瞌埋眼的話我仲以為自己已經飛左去日本。
雖然已經好飽但我心思思又數下個QR code見到入邊好多嘢都想試，結果又追加左厚切牛舌果然係名物。另外，佢既帆立貝同蝦都值得一試，好爽口。但講真簡得呢個餐一定要勁食和牛先回本啦。
另外出邊有好多款果汁最特別嘅係竟然除左一般汽水外，仲有利賓納桃汁蘋果汁橙汁。
另外大家一定要留肚試佢嘅日本雪條，款款都好想試，結果我同老公加埋試咗五款，唔係飽到嘔的話我哋都想試埋其他款。
另外甜品質素亦非常高，我試咗牛奶布甸非常滑。
總結想食靚牛就嚟呢度試啦，一定唔會後悔。
PS 見到店內海報29/11 肉之日，$498好吸引，有幸睇到既朋友仔就快d whatsapp 留位啦。
张贴
