大漁屋台 (已結業)

九龍灣地鐵站行大約十五分鐘就可以黎到得寶商場，呢個商場雖然唔係好大，但都有好野食，隱世美食！街坊商場可以食到高質日本嘢😋 呢間日式餐廳就係大漁屋台！裝修好有日本風味，好似置身日本咁～大漁屋台有好多款食物，包羅萬有，有刺身、壽司、串燒、天婦羅同埋關東煮！應有盡有，岩晒心多多咩都想試下既朋友，每款叫幾樣黎試下，就可以滿足晒個胃～刺身丼啲刺身食材十分新鮮，仲有原隻鮑魚好吸引，好足料超抵食～串燒方面，我就試左牛脷同埋豬豚肉，呢兩串都好出色，牛舌串燒爽口煙韌，超正！軟殻蟹天婦羅好大隻炸得好好食，唔會乾爭爭，咬落仲好脆～同埋廣島蠔天婦羅外脆內juicy, 一級棒！！仲叫左關東煮食添😆，關東煮煮得好入味！👍🏼👍🏼