影片
更多
2022-03-06
57 浏览
一直都好鍾意食日式鐵板燒，今次我就同朋友一齊黎左銅鑼灣呢間御鐵食鐵板燒。今次我地揀左個$2688嘅二人餐。煙三文魚野菜沙律有三種醬汁可以揀，分別係和風柚子醋/芥末/番茄蒜蓉。我就揀左和風柚子醋，食落酸酸甜甜，好清新開胃。北海道鮮帶子配魚子醬用上刺身級帶子，煎到六七成熟，放喺菠菜汁上面，上面再鋪上魚子醬同埋金箔，配埋菠菜青檸泡沫喺旁邊點綴。帶子食落好鮮甜，同時充滿牛油香，配埋魚子醬嘅鹹香，好食。南非活鮑魚大大隻嘅新鮮南非孔雀活鮑魚，淨係落左牛油去煎，食到嘅味道係屬於海水本身嘅鹹鮮味。建議先試下原味嘅鮑魚，然後試下點旁邊嘅海苔忌廉汁。我覺得呢個汁好creamy濃郁，好好味，於是我用旁邊嘅紅綠雞冠草點埋呢個汁食，正。旁邊仲有三文魚籽提升鮮味，配埋食用金箔更顯貴氣。西澳龍蝦配海膽汁將龍蝦煎到六七成熟，配以龍蝦膏熬成嘅醬汁，龍蝦爽口彈牙，蝦味濃郁。旁邊嘅紅綠雞冠草都可以食，可以提升骨膠原架。加埋食用花朵之後擺盤好靚。香煎法國鴨肝鴨肝表面加上天婦羅粉再燒，食落有脆皮效果。一切落去，見到非常軟心，油脂流曬出黎，呢個熟度係真係啱啱好，比起平時食到嗰啲好食好多，盡顯師傅功架。配上酸酸甜甜嘅意大利黑醋同埋
今次我地揀左個$2688嘅二人餐。
煙三文魚野菜沙律
有三種醬汁可以揀，分別係和風柚子醋/芥末/番茄蒜蓉。我就揀左和風柚子醋，食落酸酸甜甜，好清新開胃。
北海道鮮帶子配魚子醬
用上刺身級帶子，煎到六七成熟，放喺菠菜汁上面，上面再鋪上魚子醬同埋金箔，配埋菠菜青檸泡沫喺旁邊點綴。帶子食落好鮮甜，同時充滿牛油香，配埋魚子醬嘅鹹香，好食。
南非活鮑魚
大大隻嘅新鮮南非孔雀活鮑魚，淨係落左牛油去煎，食到嘅味道係屬於海水本身嘅鹹鮮味。建議先試下原味嘅鮑魚，然後試下點旁邊嘅海苔忌廉汁。我覺得呢個汁好creamy濃郁，好好味，於是我用旁邊嘅紅綠雞冠草點埋呢個汁食，正。旁邊仲有三文魚籽提升鮮味，配埋食用金箔更顯貴氣。
西澳龍蝦配海膽汁
將龍蝦煎到六七成熟，配以龍蝦膏熬成嘅醬汁，龍蝦爽口彈牙，蝦味濃郁。旁邊嘅紅綠雞冠草都可以食，可以提升骨膠原架。加埋食用花朵之後擺盤好靚。
香煎法國鴨肝
鴨肝表面加上天婦羅粉再燒，食落有脆皮效果。一切落去，見到非常軟心，油脂流曬出黎，呢個熟度係真係啱啱好，比起平時食到嗰啲好食好多，盡顯師傅功架。配上酸酸甜甜嘅意大利黑醋同埋士多啤梨，望落好似甜品咁，實質可以解膩。另外仲有泰國鮮蘆筍喺上面。
西班牙伊比利亞豬鞍
用上西班牙伊比利亞豬，同樣煎到六七成熟，之後將櫻桃木點火，將豬鞍煙燻，食落有煙燻嘅香味。另外有配上竹炭鹽、香煎大番茄同埋美國大啡菇。
吸物
麵豉湯加入油揚豆腐同埋貝類，幾好飲。
三文魚籽海膽炒飯
三文魚籽同海膽份量都唔少，海膽食落好鮮甜，唔會腥。炒飯裝入杯去上檯都幾特別，可以倒落碟食或者用細匙羹食。
薑味雪糕
食落薑味突出而不嗆喉，配上清甜嘅十勝紅豆蓉。
张贴
