牛極 (譚公道) (已結業)

朋友介紹下，黎牛極試下石燒牛。牛肉放係300度既火山石板上，上枱時大約只得一成熟左右，之後可燒至自己喜歡既熟度。牛肩排既肉質都算嫩滑和juicy，好輕易可以切得開，無咩筋，加埋黑胡椒等調味後好美味。自助吧提供可無限量增添既沙律、牛肉湯和米飯。呢間餐廳既牛肉湯都係一大亮點來，記得一定要試。個湯用左大量牛筋腩加蘿蔔洋蔥等蔬菜去煲，非常好味。價錢方面，晚市180克牛肩排連自助吧先$85，真係好食又高質，食到好飽，下次會再來食啊。