燒烤堂

营业中

休息中

今日去咗銅鑼灣嘅「#燒烤堂」呢間日本串燒餐廳真係幾有驚喜！💗首先上枱嘅係🍢#鹽燒A4宮崎和牛🐂嘩！一入口就知咩叫入口即溶，和牛嘅油脂分布得好均勻，鹽燒嘅調味恰到好處，唔會蓋過和牛本身嘅鮮味，真係食到停唔到口！跟住係🍢#雞皮墨魚滑🐔呢個組合好特別，雞皮燒得脆卜卜，入面包住彈牙嘅墨魚滑，口感層次豐富，咬落去仲有啲juicy，好正！👍🏻👍🏻🍢#鹽燒芥蘭頭🥬呢款蔬菜串燒都幾有驚喜，芥蘭頭燒得脆卜卜，帶少少焦香，鹽燒嘅味道好清新，食完啲肉之後食返串菜，感覺好balance🥰再嚟係#焦糖青蘋果鵝肝多士😍😍呢個真係不得了！🦢鵝肝嘅濃郁配上青蘋果嘅酸甜🍏，再加埋焦糖嘅香脆，味道層次好豐富，食完之後仲有陣陣回甘，好滿足🤤🤤🍢#汁燒赤雞心💗雞心燒得剛剛好，唔會太韌，汁燒嘅味道好入味，帶少少甜味，好啱配酒🍢#韓燒泡菜五花腩🐖呢個好有韓式風味，五花腩肥瘦適中，泡菜嘅酸辣味好開胃，食完之後仲想再encore！飲品方面，我叫咗杯#highball#威士忌梳打威士忌嘅香氣同梳打嘅清爽好夾飲落好順喉，配串燒真係一流！😎😎