燒鬼 (已結業)

【燒肉放題】 HKD298/1位.以東瀛鬼怪故事為主題嘅燒鬼👹大約係三個月前正式開幕🎊。由原本只做晚市放題，因為疫情影響，依加午市一樣可以食到放題。入座前會先享用到一份精緻嘅A4和牛拼盤🐮，包括：腹脅、胸腹肉、上小排肉等，雪花分布唔錯，肉質軟淋，肉味重😋。覺得唔夠喉，可以加$9️⃣8️⃣任食同飲品放題。如果作為食肉獸嘅你，加埋都無妨。反正單係飲品放題🥤都需要加$4️⃣8️⃣。不過胃口細啲嘅，其實唔加一樣好夠食。除左燒肉🥓之外，仲有前菜🥗、刺身壽司🍣、海鮮🦐、炸物🍤，唔會淨係燒肉咁油膩。燒肉方面，以唔同醬料醃製，夠曬入味，基本上其他醬料都唔會用得上😄。肉類大多分為醬油、辣味、黑椒、鹽味，就算同一款肉都可以試到唔到口味。而且雖然係醃製過都會食得出肉味，唔會用上低質材料然後用醬料掩蓋。個人💁🏻‍♂️幾鍾意亦好推薦大家一試，但自問如果食得好淡味嘅就諗清楚。和牛壽司🍣、明太子雞翼🐔、牛舌條👅、魷魚筒🦑都幾值得encore。.📍燒鬼銅鑼灣駱克道459-461號The L. Square9樓🚇銅鑼灣站C出口 步行約2分鐘