緣聚西日餐廳 (西裕街) (已結業)

終於去到Happy Friday，收工就同朋友鬆一鬆。考慮到星期六又要返早，唔想去咁遠，所以係元朗揀咗間放題鋪頭犒賞自己。頭盤有海膽，我開頭以為係朋友搗亂先咁擺，原來係一上菜時已經係咁上。海膽食落新鮮，用冰稍為鎮住唔洗食到狼吞虎嚥。跟住有以下一連串上枱：我想重點推薦：洋蔥炒牛柳，本以為係日式餐廳唔會有呢種鐵板上既菜式，即使上到枱亦唔慌會好食，不過黑椒調較得好到位，好入味之餘，仲有肉汁爆發出黎！其他壽司（例如：三文魚、甜蝦）感覺好新鮮，食唔出有雪味，食到停唔到口。