一汁一菜 (K11購物藝術館) (已結業)

今日想食咖喱飯🍛，經過呢間日式外賣店，就擔粗粗去試下，佢喺尖沙咀地站一出就見到，非常方便易搵，佢地店舖唔算大，但都五臟俱全，湯、前菜、主食同飲品，有齊晒菜、肉、五穀類。我叫左個套餐，一個餸同追加麵包。兩個人其實都夠晒飽。叫左一個$89套餐 (湯加咖哩飯）法式龍蝦濃湯-龍蝦肉唔多，但一打開蓋已聞到好好香龍蝦🦞湯既鮮味，個湯好香好濃，仲好大杯，就算散叫$49我都覺得抵飲。和風番茄雞肉咖喱飯-呢個咖喱飯係唔辣嘅，好食，咖喱又係好大杯，雞肉都多，個飯係用珍珠米，有誠意。五彩野菜濃豆腐拌$25-除左菜同豆腐切絲之外仲有蒟蒻切絲，都係好食！石窯麵包-跟餐價$5，麵包鬆軟，用黎點湯式者點咖喱都係完美配搭。