炉端金 (已結業)

今日午餐黎左呢間營業了一段時間的炉端金，環境清靜，裝潢好日式feel，而且坐位舒適，可以好悠閒咁享受一餐午飯！而我係第一次黎呢度食，所以我選擇了廚師精選呢個lunch set！上菜的速度十分快，等了一陣三文魚親子丼就來了。三文魚子好新鮮，粒粒都有光澤，而且又大粒。三文魚原來係熟的，溶左的魚油令三文魚肉好滑，撈埋飯同三文魚子一齊食，非常滋味！連三文魚皮都十分好食，有咸香味之餘，魚皮邊脆，魚皮中間部分煙韌。串燒燒得好好，值得一讚！不論係雞軟骨或雞翼的外皮都燒得非常香脆，食落口卜卜聲。而且雞軟骨爽口，雞翼肉質嫩滑juices。吱少少檸檬汁食就更美味了。薯餅炸得金黃香口，入口時南瓜味極濃，而且好滑！好味停唔到口！是日甜品係藍莓芝士餅，芝士餅結實，但咬落去質地幼滑，再加上美味的藍莓醬，好食啊～再飲埋清甜的柚子蜜，今餐lunch真係大滿足了～