笑酤和味炭燒 (The Pulse) (已結業)

清水灣沙灘傍邊既商場The Pulse有好多唔同類型既食肆，行行下俾呢間餐廳吸引住，皆因係遠處已經聞到好香燒烤味～～餐廳環境寧靜，裝修簡約，坐得好舒服！細看餐牌，先知原來佢係全港最大規模既備長炭燒烤爐餐廳！🌞Lunch Menu🔸備長炭串燒拼盤 $160燒物大概等左15分鐘送上，即叫即燒！拼盤有雞翼、雞肉蔥、雞軟骨、牛舌、豚腩同豚肉腸，都幾豐富！每一串都燒到好香口，帶點炭燒香味！特別係豚腩，好厚肉，咬落勁juicy，好惹味！🔸備長炭M5和牛 $260和牛肉色粉嫩，師傅控制時間得宜，肉質軟腍，牛味好濃，燒得好靚，旁邊仲附上燒汁同芥末汁，點埋食味道更惹味！Lunch Menu仲配有沙律前菜、烏冬同麵豉湯！特別一提佢既烏冬，又幼滑又煙韌！另外仲散叫左幾個小食：🔸芝士鰻魚玉子燒口感超滑溜，蛋味勁出，夾住肥厚鰻魚同拉絲芝士，真係超邪惡🔸笑酤卷呢個卷物係炸蝦mix炸軟殼蟹，卷物外面灑上天婦羅碎，食落多層口感，味道唔錯🔸燒飯團🍙飯團外面燒到好香脆，飯粒帶有炭燒香味，夾埋紫菜食真係一流啊！