一鳴丼食堂

营业中

休息中

今日嚟到依家系大埔开咗唔系好耐嘅日本野餐厅，原来佢同隔离嘅拉面店都系叫一鸣㗎㖞！就咁睇佢门面嘅装修觉得好骨子同埋好日式嘅感觉。入到去，我哋安排左坐吧枱位。就咁望虽然成间店并唔大，但系成间铺头嘅装修都几有心机㖞，全部都系以木做主题，小至连牙签筒都系用木造㗎。坐系到等紧既时候已经闻到好澎湃既炙烧刺身既香味！食物方面，主要分为丼饭、刺身、寿司、串烧同埋其他小食等等。值得一赞嘅系佢嘅点餐纸真系好靓好有心机！我哋嗌左几款寿司，刺身都好新鲜㖞，特别系个免治吞拿鱼军舰，好滑好好味呀！个人觉得仲好味过日本食到嘅哈哈！我哋仲带咗一个蒲烧鳗鱼帆立贝盛，酱汁比较龙未，不过好足料，整体来讲呢个都好味，值得推介！佢仲有一个平时可以拎黎拌饭嘅调味粉，食落好香芝麻同埋紫菜味，我哋拎咗啲黎渗喺个饭同埋寿司上面，估唔到又几好味㖞。最后埋单只系$241 ,虽然我哋食咗唔算好多野，但用呢个价食到呢个质素嘅嘢我都觉得几抵，不过如果坐嘅位可以再阔落少少就好啦。