隱町 (馬頭圍道) (已搬遷) 新店位置

之前已經聽過太子隱町串燒好食又旺場，而哩間係佢位處土瓜灣既分店，淨係走入餐廳位處既商場已經覺得勁有日本feel，之前完全唔知香港有哩個地方，真係好似小日本咁，餐廳內裏佈置亦係類近日式居酒屋🏮而環境比太子店更寬敞，食物質素就同樣咁高。餐牌上面有多款串燒可以選擇👇🏻🍢🐔🐮🐷手羽先 $38雞皮 $32 雞肝 $32免治雞肉棒配日本初生蛋 $42黑松露免治雞肉釀冬菇 $38汁燒牛肋條 $58鹽燒豬面肉 $58手羽先外皮香脆，雞肉嫩滑多汁；雞皮香脆，味道咸香；雞肝味道濃郁；免治雞肉棒配日本初生蛋超好食，日本蛋蛋味重，蘸上雞肉棒非常滑溜；黑松露免治雞肉釀冬菇都幾香黑松露味，冬菇亦香軟多汁；汁燒牛肋條醬汁微甜，牛味香濃；鹽燒豬面肉肥瘦適中，香口惹味。🥚天婦羅糖心蛋 $58天婦羅糖心蛋又靚又好味，糖心效果控制得啱啱好，超推介👍🏻🌽牛油燒粟米 $28牛油燒粟米上面加上芝士粉同牛油，好甜好重牛油香。🍙燒飯團 $38估唔到燒飯團幾有驚喜，面層燒得焦脆，內裏有唔少櫻花蝦，非常香口。整體黎講，餐廳環境寬敞舒適，幾有日本既感覺，而且食物非常有質素，掛住日本既話，都可以黎試下。