影片
更多
2021-11-17
68 浏览
🖤Mr. Crab by The Captain's House (灣仔)🤍灣仔莊士敦道74-78號一樓及地下C號舖呢排食大閘蟹季節，食得太多蟹，突然心來潮想食下其他海鮮🦞，今次揀左呢間餐廳！呢間海鮮食法好得意，玩shake shake自選海鮮，有3個價位同多種海鮮選擇，由$398-$858。見到小食都好特別，花多眼亂，乜都想試下。一於決定試2人餐($688)！🍴自選shake shake海鮮袋多款海鮮可揀3種，揀左海蝦🦞、翡翠螺、小墨魚仔🐙，醬汁係lemon papper sauce ，檸檬胡椒汁酸酸辣辣好惹味，店員會將海鮮淋上醬汁，放入海鮮袋shake shake，醬汁好杰身，完完全全掛哂上海鮮上。海鮮分量十足，海蝦都有成10隻咁多😍，翡翠螺都好大粒一啖咬落去好滿足🤩。海鮮袋中埋配腸仔、薯仔、粟米🌽，所以絕對夠飽。🍗脆炸雞翼雞翼有5隻，有半隻手掌咁大，啖啖肉，醬汁係水牛汁，另外仲有燒烤汁、蒜香蜜糖汁、自家製辣粉或魔鬼辣汁。🍝黑松露海蝦忌廉汁闊條麵一上枱有大黑松露味，黏度好夠又夠好香，迫不及待即刻襯熱食，麵身有口咬煙煙銀銀，烚得岩岩好。雜菌同洋蔥🧅都好香口。🍷House wine 可
🤍灣仔莊士敦道74-78號一樓及地下C號舖
呢排食大閘蟹季節，食得太多蟹，突然心來潮想食下其他海鮮🦞，今次揀左呢間餐廳！
呢間海鮮食法好得意，玩shake shake自選海鮮，有3個價位同多種海鮮選擇，由$398-$858。見到小食都好特別，花多眼亂，乜都想試下。一於決定試2人餐($688)！
🍴自選shake shake海鮮袋
多款海鮮可揀3種，揀左海蝦🦞、翡翠螺、小墨魚仔🐙，醬汁係lemon papper sauce ，檸檬胡椒汁酸酸辣辣好惹味，店員會將海鮮淋上醬汁，放入海鮮袋shake shake，醬汁好杰身，完完全全掛哂上海鮮上。海鮮分量十足，海蝦都有成10隻咁多😍，翡翠螺都好大粒一啖咬落去好滿足🤩。海鮮袋中埋配腸仔、薯仔、粟米🌽，所以絕對夠飽。
🍗脆炸雞翼
雞翼有5隻，有半隻手掌咁大，啖啖肉，醬汁係水牛汁，另外仲有燒烤汁、蒜香蜜糖汁、自家製辣粉或魔鬼辣汁。
🍝黑松露海蝦忌廉汁闊條麵
一上枱有大黑松露味，黏度好夠又夠好香，迫不及待即刻襯熱食，麵身有口咬煙煙銀銀，烚得岩岩好。雜菌同洋蔥🧅都好香口。
🍷House wine
可以揀紅白酒，感覺海鮮配白酒match D ，所以2杯都揀左白酒，甜甜地好易入口。
地點方便，服務唔錯，餐廳都有唔少打卡位📸，有條長樓梯、魚缸同海鮮background ，值得推薦⭐️⭐️⭐️⭐️
张贴
