紫醉軒 (已結業)

恢復晚市堂食，終於可同好姊妹晚聚，朋友帶我到旺角上樓中菜，裝修時尚，紫色色調，一入餐廳見到西式酒吧cornet，相當chill。襯著好天氣，晚上有涼風，我們選了坐室外，感覺十分舒服，有遊客感！桌上有大大把傘，還有燈，落雨也不怕！食品分頭盤、湯、鮑參翅肚、海鮮、肉、蔬菜、粉麵等、還有時令推介。我們點了蒜香凍螺、美極干煎蝦、芫香啫啫雞煲、雪菜泡椒龍鳳米。服務員態度好，會主動幫忙加水，而水更放入青瓜及檸檬片，非常清新。蒜香凍螺份量多，味道剛好，涼伴蒜頭香，螺肉鮮甜，餐前小食非常好。美極干煎蝦一上枱已經聞到好香，味道方面也很好，非常惹味咸香，拌飯單吃也好。芫香啫啫雞煲香噴噴，多芫荽芹菜，椒絲及乾蔥頭，份量多啖啖肉，袐製味道夠風味。雪菜泡椒龍鳳米製作認真，面上鋪滿雪菜，夠鑊氣乾身，入面又多芽菜，多重口感，咸香惹味。