影片
更多
2023-10-15
35 浏览
之前同朋友食過佐敦嘅神燈菜館，已經覺得好出色好回味，知道將軍澳有間小神燈，即刻都帶屋企人去試下，果然有信心保證😁宮廷濃湯豬肚雞🍲 - 先黎一個老火靚湯，個湯非常濃郁，入面有雞肉，豬肚，仲有d魚腐索哂湯😋 飲落鮮甜，隻雞好肥美，湯面頭仲有少少雞黃油非常之香，忍唔住都飲左3碗👍🏼金沙鬼馬百花釀油條🫔 - 顧名思義即係蝦膠釀油條啦，但特別之處係佢出面仲加左咸蛋黃醬去炒，有咸香而且起哂沙，好邪惡😈椒鹽烏賊裙邊🦑 - 呢個部位比較少食，同普通魷魚唔同，裙邊比較薄身，所以炸起上黎非常香脆，作為送酒小食一流！奇脆脆皮豬手🍖 - 豬手係我至愛之一，個皮超級脆，入面嘅脂肪層炸到入口即溶，怕熱氣嘅仲有2款醬汁點黎食添架
之前同朋友食過佐敦嘅神燈菜館，已經覺得好出色好回味，知道將軍澳有間小神燈，即刻都帶屋企人去試下，果然有信心保證😁
宮廷濃湯豬肚雞🍲 - 先黎一個老火靚湯，個湯非常濃郁，入面有雞肉，豬肚，仲有d魚腐索哂湯😋 飲落鮮甜，隻雞好肥美，湯面頭仲有少少雞黃油非常之香，忍唔住都飲左3碗👍🏼
金沙鬼馬百花釀油條🫔 - 顧名思義即係蝦膠釀油條啦，但特別之處係佢出面仲加左咸蛋黃醬去炒，有咸香而且起哂沙，好邪惡😈
椒鹽烏賊裙邊🦑 - 呢個部位比較少食，同普通魷魚唔同，裙邊比較薄身，所以炸起上黎非常香脆，作為送酒小食一流！
奇脆脆皮豬手🍖 - 豬手係我至愛之一，個皮超級脆，入面嘅脂肪層炸到入口即溶，怕熱氣嘅仲有2款醬汁點黎食添架
张贴
