一哥點故 (已結業)

平時都比較小行過鵝頸橋街市呢邊，今日咁岩行到黎近灣仔呢邊發現有點心食舖頭麻雀雖小五藏俱全，而且啲點心都幾新潮嫁龍蝦湯鮮竹卷，鮮竹卷個皮炸到好脆，食嘅時候仲好熱，加埋啲龍蝦湯，感覺有啲似食響鈴咁飲茶梗係唔少得蝦餃燒賣啦，燒賣就係傳統嘅燒賣食落好爽口彈牙。以蝦餃呢就係黑松露蝦餃，食落松露味道好濃流沙包，係竹炭流沙包嚟㗎！個包食物好軟熟，啲流沙一啲都唔稀，係傑嘅，而且仲好多流沙餡料。紫薯流汁煎堆仔，佢入邊嘅餡料同流沙包一樣，都係好多，不過呢個個紫薯味就濃啲，但又唔會搶哂啲奶皇味。