極尚大瀛喜日本料理 (已結業)

今日收工，去左銅鑼灣食極尚大灜喜。人生第一次食極尚之放題！好期待，上到餐廳，已經好多人排隊等位，等左半個鐘，終於有位！坐低即刻叫個刺身先！冇諗到刺身好快就黎，上菜真係上得好快！而且叫左幾多片刺身，就上幾多片，唔會上多或者少。難道這就是極尚既差別？！而且片片刺身都好新鮮！真係好好味，甜蝦唔會軟綿綿，正！好耐冇食過咁好食既放題啦！叫左個京沖吞拿魚壽司，正呀！點解可以咁新鮮！好鮮甜！仲有他他汁比目魚食！比目魚好鮮，加埋比比汁，質感正。可惜我得一個胃，如果唔係我可以叫好多碟。其實食完一轉已經好飽，唯有試下甜品。原來有馬卡龍，大大粒，好開心呀。因為留左另一個胃比甜品，攞左好多甜品。可以見到甜品全部都係高質數。真係冇後悔黎呢度食！而且冇漏單，份量寫幾多，上幾多，正！比多少少錢原來係值既！下次再戰！