極尚大喜屋 (加連威老道) (已結業)

兩條友黎食放題訂左尖沙咀加連威老道既哩間極尚大喜屋。位置幾好，地鐵站唔遠，隔離又有The One，食完放題可以再行下商場消化下。之前就book好枱，所以準時到同前台講就會帶你上去攞枱坐，環境幾企理又唔算逼，侍應一個人拎住幾碟野食都冇問題唔使逼黎去。今次叫左好多熟物，有牛柳粒、雞軟骨、又炸牛奶炸貓山王(鐘意食榴槤既人一定要點,正!!!)、仲有牛油粟米(幾甜又唔膩)、竟然連辣酒煮花螺都有、仲有川味牛展(一個字~辣)，咁當然仲有燒菠蘿、燒雞翼、天婦羅呢d熱氣首選壽司方面叫左d花之戀、鰻魚壽司、蟹子壽司，樣樣都係細細件，食完舊飯都唔會頂住個胃，唔會食唔落其他野食。重點係最後每人可以點一個Haagen-Dazs雪糕，正。