極尚大喜屋 (加連威老道) (已結業)

今日係好朋友生日，當然要大搞特搞啦，好好慶祝! 諗起每日都會經過ge， 日日都人頭湧湧ge ，仲要成日聽到話好好食，應該係正野，咁就要試試喇!餐牌有極多選擇，而且效率一流，上菜上得極快，收盤亦係!壽司係意料之內ge好食，足料又極新鮮，唔怪得享負盛名，人人爭住食。燒物下單即做，肥大肉厚、熱辣可口，既鬆化又香脆，配上不同醬汁，非常惹味!好多人都喜愛食海鮮，呢到ge焗帶子亦令人覺得好驚喜，帶子賣相飽滿，帶子肉非常鮮嫩多汁，亦有配料，層次豐富。燒蝦唔算好大隻，不過燒到焦香彈牙之餘，仲保留到鮮味。另外，唔少扒類都值得一試，肉質緊致又多汁，比起出面ge西餐廳都唔會輸蝕呀! 再提提呢到ge甜品! 蛋糕色澤平均，賣相亦非常吸食，色彩繽紛，入口鬆軟，忌廉唔會容易溶化，奶香同脂香並在，濃郁可口! 俾一份錢，可以食足咁多美食，物有所值啦!一大班人慶祝生日當然開心，再加埋一間高質餐廳就係錦上添花!