黑樺牛 (已結業)

一班朋友飯聚，通常都揀放題食得豪放d，加上我呢d食肉獸對肉既質素都好有要求，就揀左間主打食A5和牛既火鍋放題🐂見餐廳係日本大分縣有自家牧場供應牛肉，對佢地既出品更有信心，就預早book位黎食下🤤呢度用肉既級數去分段收費，一律統一價位，預早兩日訂坐送精選層架同海鮮拼盤，入座時仲有一人一盅蟲草花烏雞燉湯😋海鮮拼盤有海蝦、大元貝同大大隻刺身級生蠔，店員會幫手焗同開蠔，蠔焗至7-8成熟，保持到大大啖肉，多汁又鮮甜，送既都咁有質素～正😋最期待既主角當然係A5和牛，真係每碟油花分佈都超靚，絕對唔會得頭一輪俾靚野你咁👍和牛肉質好嫩滑，我地係咁encore🤤但亦可能因為我地食得太快太多🙈後期d牛唔夠時間融雪，成塊硬崩崩咁比較難夾起😂另外仲有一款玉子後腰肉，類似壽喜燒食法咁打左隻生蛋係上面～呢款始終有別於燒肉既食法，可一不可再🙈除左肉類仲有餃子同海鮮滑等，蔬菜類既選擇都有唔少✨而熟食既各款滷水、麻辣小食同炸物亦都唔差👍飲品除左常見既汽水同冷泡茶外，仲有沙冰機😳以放題任食黎講，呢度比坊間常見既都要高質，牛魔王我已經要mark定下次再黎了😈