Neko Puff (已結業)

事源朋友之前推介咗呢間 Neko Puff俾我，話佢地既拿破崙蛋糕真係超正。今日剛剛要入屯門工作，就順路去會一會佢。本來我睇下現成有咩款既拿破崙蛋糕可以買走，但原來佢地係即叫即整，只需要等一小時就可以。所以我就揀咗黑朱古力咖啡拿破崙蛋糕，行陣街就攞得。返到屋企，個皮都仲好脆。唔會好似一早整好咗之後雪入雪柜淋哂。既然咁新鮮，我決定食飯之前先食甜品。🤣🤣佢個酥皮好香牛油味同埋好厚身，都唔知入面有幾多層了。 中間既朱古力忌廉帶有好香既雲妮拿籽，係新鮮既雲妮拿籽，真心高質。而且整體又唔會太甜。真係多謝朋友推介，好好食。😋😋😋😋😋