佢地既「$198無限時雞煲火鍋任食放題」真係好抵食呀！鍾意食雞煲同打邊爐既你一定唔可以錯過！
環境唔錯幾骨子 乾淨企理 而且有卡位坐
先食雞煲 再加湯底打邊爐 一次過滿足晒兩個願望！ 而且有別於其他雞煲火鍋店 佢地既湯底總共有三個選擇 包括有酸菜、野菌同埋蕃茄口味 幾驚喜 我地今次就揀左野菌湯底
個雞煲真係好香好惹味呀 一打開個蓋已經流晒口水 食落仲好好味 雞煲夠香夠麻 而且雞肉嫩滑 仲啖啖肉添！ 正！
海鮮拼盤：仲唔到呢個價錢都有高質海鮮食 海鮮夠新鮮 帆立貝、鯇魚片同蠔都非常出色 而且連鮑魚都有得食添呀 真係好超值！
牛肉既質素都唔差 色水好靚 而且仲可以無限添食！
鯇魚片真係好正呀！好有鮮味！
蔬菜亦好新鮮 顏色翠綠食落爽口
火鍋配料質素都唔錯 而且選擇都算多 仲有我最愛既厚切午餐肉添呀！
飲品都算幾多選擇！
美味而又滿足既一餐以甜品「冰粉」作結 大滿足呀！
1
如果嫌唔夠喉既話仲可以加錢升級添！
