醒辰冰室 (東匯坊) (已結業)

今日放工經過呢間餐廳，價錢平民化得嚟，食物質素其高！我哋點咗兩個晚餐set：《大蝦黑松露蘆筍忌廉汁意粉》本身好鍾意食黑松露嘅我一定會點呢個set，除咗可以食到香濃嘅黑松露意粉，仲有兩隻巨型大蝦，新鮮又爽口～《香草蒜片烤西班牙極黑豬鞍伴薯菜》因為唔食牛，所以今次我哋點咗呢個極黑豬，真係好juicy，好嫩滑，無諗過厚切都可以做到咁多汁入味～《前菜及餐湯》不得不提嘅係佢哋嘅頭盤：西班牙火腿蜜瓜沙律，同埋煙三魚沙律，真係超好味，無諗過頭盤都咁足料。仲有必試佢嘅龍蝦湯，真係好濃味，正過好多高級餐廳！無諗過呢間咁平民化價錢嘅餐廳有咁高質嘅食物質素，一定會再encore!