燒肉801

营业中

休息中

作為燒肉愛好者，燒肉801絕對係抵食之選！話說癮起，梗係要嚟嘆番個燒肉套餐🤤食肉獸出動！ 神盛有特上牛胸腹肉、腹前牛小排同牛板腱肉，非常腍甜，牛肉味濃郁。牛胸腹肉油脂豐厚鮮甜，牛小排同牛板腱肉都肉質結實，有咬口。 黑豚盛黑毛豚無骨小排經過燒烤，脂肪已經溶化，肥而不膩，外皮十分香脆。厚切煙腩肉經過醃製，非常入味。日本熟成豚香腸，外皮脆卜卜，內裡juicy。 牛舌(鹽味/醬油)追加咗鹽味同醬油牛舌各一份，肉質軟嫩。 杏仁豆腐好嫩滑，杏仁味勁香濃，亦有淡淡嘅豆腐香味。 非常欣賞餐廳嘅醃料醬汁，味道啱啱好，唔會太鹹或太淡，烤過後燒肉夠晒入味。