魚一壽司 (教育路)

营业中

休息中

呢間小店分兩層，上層類似一個小閣樓，今次係朋友推介嚟呢間食店食嘢嘅，我哋一行幾人由於太肚餓嘅關係，一坐低，就自己拎起個Menu劃低想食乜嘢喇。因為價錢相宜，所以劃嘢食嘅時候亦毫不手軟。壽司上嘅魚生好新鮮，而且件餸大大件，舊飯既份量唔大，唔會話食飯食到濟。刺身真係好新鮮呀，而且大大件。炸物有炸年糕、炸蠔，外脆內暖，沙律醬係畫龍點睛。燒物有燒魷魚筒、燒牛舌、燒元貝、燒肥牛竹筍、燒雞泡魚干，雖然係燒物，但係唔會話燒到乾爭爭，好難咬，相反仲保持到食物水份，最鍾意係個燒雞泡魚干，好脆好香，小食首選。